FONDO DE LIBROS E AXUDAS MATERIAL ESCOLAR CURSO 2023/2024:
Informamos da apertura do prazo de solicitudes para o Fondo de Libros e Axudas para Material Escolar en Primaria e na ESO para o vindeiro curso (Orde do 10 de maio de 2023).
Para o vindeiro curso modificanse algunhas das condición de renda e a cuantía das axudas; polo tanto, rogamos miredes con atención as instrucións.
OBRIGAS DAS PERSOAS BENEFICIARIAS:
As persoas beneficiarias de libros procedentes do fondo solidario deberán devolver os libros de texto do presente curso 2022/23. A non devolución será causa de exclusión da participación do Fondo Solidario no curso 2023/24.
O centro informará ao longo do mes de xuño, a través de Tok App e por outros medios, das condicións e prazos nas que se realizará a devolución dos libros de texto.
PRESENTACIÓN DE SOLICITUDES:
Poderán presentar solicitudes os pais, nais, titores ou representantes legais do alumno. A solicitude será única para todos os fillos que estean admitidos no mesmo centro docente para o curso 2023/24.
ONDE PODEN ATOPAR A SOLICITUDE?
Como arquivo anexo neste mesmo comunicado (poden descargalo e cumplimentalo).
No blogue do Colexio Manuela Rial Mouzo (poden descargalo e cumplimentalo)
Poden recollelo presencialmente na Secretaría do Centro, de 9:00 a 13:30 horas, de luns a venres.
No portal educativo, enderezo http://www.edu.xunta.gal ou na sede electrónica da Xunta de Galicia, https://sede.xunta.gal
ONDE PODEN PRESENTAR A SOLICITUDE?
- No Colexio Manuela Rial Mouzo: presencialmente na Secretaría do Centro, de 9:00 a 13:30 horas, de luns a venres.
- Vía electrónica (na sede electrónica da Xunta de Galicia). No caso de que se tramite a solicitude por esta vía será necesaria a presentación dunha solicitude por cada alumno.
PRAZO PARA PRESENTAR AS SOLICITUDES:
Aínda que o prazo oficial para presentalas comeza o sábado 20 de maio de 2023 e remata o día 21 de xuño de 2023, rogámoslles entreguen as súas solicitudes non máis alá do mércores 14 de xuño.
Rogamoslle a maior rapidez da presentación da solicitude, a fin de poder enmendar posibles erros na tramitación.
DOCUMENTACIÓN NECESARIA:
a) Presentar o impreso da solicitude (Anexo I da Orde) e impreso de comprobación de datos dos membros computables (Anexo II da Orde) correctamente cubertos.
b) Copia do libro de familiar onde aparecen todos os membros da unidade familiar. *Consultar situación especiais (divorcio, discapacidade, violencia de xénero...) na Orde ou ben no Documento Anexo INSTRUCIÓNS
Equipo Directivo